لما لاحظتي إنه مش بيبصلك مش بينتبه لما بتناديه مش بيضحك لما تلاعبيه مش شايفك ساعات، طريقة لعبه مش طبيعية
بيعمل حركات متكررة و رفرفة
بيقعد يتحرك كتير و يطلع فوق الكراسي و يكرر ده بالساعات
التشخيص مش هيغير من حبك ليه اللي كنتي حاساه قبل ما يبقي طفل توحد
تخيلي ان ما فيش تحليل واحد يثبت تشخيص التوحد
تشخيصه بيستند عن قصتك عن الطفل و ملاحظاتك عنه و مقارناتك بمهاراته بأقرانه في نفس الفئة العمرية
أكيد منكم لقي طفله او طفلته عندهم طفح جلدي متكرر او مزمن او كان فيه اسهال مزمن او امساك مزمن
مشاكل في النوم و مشاكل حسية و غيره كتير من الأعراض
كان الطفل طبيعي و كويس جدا و مرة واحدة بقي مش معانا و فقد معظم المهارات و التواصل اللغوي
لو الموضوع ده حصل لحد كبير الكل هينتبه و يقعد يدور علي سبب لكن أهالي طيف التوحد مظلومين اتقالهم ان ده مرض التوحد و ده مش بيحصل كتير و بيوصي بعلاج سلوكي و تنمية مهارات،،،،،
معقولة ده كفاية لطفل عنده مشكلة مناعية او مشاكل في الجهاز الهضمي او الميتوكوندريا او الخلل الكيميائي للمعادن او مشاكل الmethylation و غيره و غيره من المشاكل الطبية اللي ممكن نشخصها بسهولة و قابلة للتصليح بطريقة علمية مثبتة بأبحاث طبية!!!!!
للأسف ده الواقع اللي لازم يتغير
و بعد كل ده برده هو طفلنا و لازم نفضل نحبه طول العمر
طب لما الطفل ده بيشتكي من عرض مش عارف يعبر عنه زي باقي الاطفال نعمل ايه و نفسره ازاي
يعني مثلا بينام في وضع السجود او بيقعد يحك بطنه في مسند الكنبة و هو ساعتها بيقول بطني واجعاني
بيخبط دماغة في الارض او الحيطة بدل ما بيقول عندي صداع
بيشرب مياه كتير عشان عنده ارتجاع مرئ او لوزه متضخمه و واجعاه و كتير من الاعراض اللي مش بيعرف يعبر عنها
لو الطفل عنده كسر مثلا في دراعه مش هنتقبل ده و هنحاول نصلحه لكن اشمعني التوحد هنتقبله!!!
لأن فيه إنكار واضح للعلم والجديد ومش واخد حقه في الأبحاث والدعم المالي اللازم لذلك و حتي لو فيه بحث لرسالة ماجستير او دكتوراه بتبقي علي الرف مش بنستفيد منها.
ما فيش طفلين من نفس الأطفال المصابين بالتوحد أعراضهم واحدة او متشابهة بشكل كبير حتي لو مسبباتهم واحدة
يتعافى بعض الأطفال من النظام الغذائي ، والعلاج المضاد للالتهابات ، والمكملات ، الهوميوباثي ، وعلاج العدوى البكتيرية او الفطرية ، والعلاج المناعي ، هل جربت كل ده؟
هل تساءلنا عن سبب وجود العديد من أدوية ارتفاع ضغط الدم؟ لأنه من الأعراض التي لها أسباب عديدة.
!!!زي مين كده ان شاء الله
لا يوجد علاج واحد و لا عمر هيبقي فيه علاح وحيد لطيف التوحد، لكن العلم كل يوم بيثبت ان مسبباته كتير وطرق التعامل مع المسببات بالعلم بطرق آمنة بيحقق نجاحات محترمة.
